Проектот „Beyond Barriers: Roma Resilience in the Western Balkans“(„Надвор од бариерите: Резилиентност на Ромите во Западен Балкан) има за цел да ја унапреди социјалната и економската вклученост на Ромите низ регионот преку посилна соработка, насочена поддршка за вработување и активности за борба против дискриминацијата. Централниот дел на проектот е воспоставувањето на регионален ромски хаб, кој ги поврзува невладините организациите, институциите и донаторите со цел да овозможи координирано застапување и поефективно влијание врз политиките на национално и регионално ниво.

Проектот комбинира три комплементарни пристапи. Ја зајакнува регионалната координација, го поддржува економското зајакнување преку стручна обука и интеграција на пазарот на труд, особено за младите Роми, и го адресира антициганизмот како системски проблем преку подигнување на свеста, застапување и институционален ангажман. Поврзувајќи го развојот на политики со практични мерки за поддршка, проектот придонесува кон поинклузивни политики, подобрен пристап до вработување и препознавање на антициганизмот како посебен расизам врз Ромите.

• Воспоставување на функционален и координиран Регионален ромски хаб кој ќе ја зајакне соработката, заедничкото застапување и влијанието врз јавните политики.
• Подобрување на економските можности за ромската заедница преку насочени мерки за вработување и интеграција на пазарот на труд.
• Унапредување на регионалните и националните одговори кон антициганизмот преку промоција на свеста, препознавање на антициганизмот во политиките и координирано дејствување

• Функционална регионална мрежа на ромски и про-ромски организации, со најмалку 30 членови кои активно учествуваат во дијалог и застапување.
• Зголемен пристап до можности за вработување, при што околу 900 Роми ќе имаат корист од мерките за интеграција на пазарот на труд.
• Посилни и покоординирани застапувачки напори за справување со антициганизмот, вклучувајќи активно ангажирање со јавните институции.

• Поголемо препознавање на антициганизмот во институционалните рамки, придонесувајќи кон поинклузивни и поодговорни јавни политики.