„Чист Бизнис Северна Македонија – Мобилизирање на МСП како лидери против корупцијата“ е национална иницијатива осмислена за зајакнување на интегритетот, конкурентност и долгорочна отпорност на малите и средни претпријатија. Проектот е особено фокусиран на средните претпријатија, кои претставуваат клучни двигатели на економскиот раст, но истовремено се несразмерно изложени на ризици од корупција, сложеност на регулативата и ограничени внатрешни капацитети за усогласеност. Преку структуриран сет активности, проектот им обезбедува на компаниите знаење, алатки и системи потребни за усвојување современи стандарди за интегритет, во согласност со националните регулативи и очекувањата на Европската Унија.

Проектот ја воспоставува Алијансата за чист бизнис, платформa со повеќе чинители која ги обединува малите и средни претпријатија (МСП), бизнис асоцијациите, коморите и јавните институции, вклучувајќи ја и Државната комисија за спречување на корупцијата (ДКСК). Компаниите имаат корист од целни обуки, програма за службеник за антикорупција, советодавни клиники, готови пакети со алатки за политики и пристап до Центарот за чист бизнис, примарен ресурсен центар и платформа за пријавување. МСП коишто се дел од проектот можат да напредуваат кон сертификација за Медал за чист бизнис, што ја демонстрира усогласеноста и ја зголемува нивната кредибилност на пазарот.

• Да им се овозможи на МСП да имплементираат стандарди за интегритет, механизми за усогласеност и етички деловни практики.
• Да се намалат ризиците од корупција во јавните набавки, деловните операции и управувањето.
• Да се зајакне соработката помеѓу МСП, државните институции, граѓанското општество, академската заедница и медиумите.
• Да се поддржи усогласеноста со стандардите на ЕУ за транспарентност, усогласеност и борба против корупцијата.

• Зголемена отпорност на МСП на ризиците од корупција.
• Потранспарентна деловна средина, која функционира според правила.
• Зголемена доверба помеѓу приватниот сектор, државата и општеството.
• Подобро усогласување со барањата и очекувањата за пристапување кон Европската Унија.
• Придонес кон долгорочна култура на интегритет во Северна Македонија.