Проектот „Кампања за брендирање ‘ЕУ со ТЕБЕ’“ обезбедува ефективна, иновативна и креативна комуникација за Европската Унија и процесот на пристапување во Република Северна Македонија. Преку позитивен маркетинг пристап, проектот го промовира брендот ‘ЕУ со ТЕБЕ’ на иновативни начини кои привлекуваат внимание и ангажман од јавноста, поттикнувајќи споделување и јавна дискусија.

Проектот осмислува до шест и испорачува најмалку четири национални кампањи во период од 36 месеци, користејќи интегрирана комбинација на традиционални и нетрадиционални маркетинг канали, вклучително телевизија, радио, интернет и надворешно рекламирање, социјални мрежи, настани на високо ниво, ПР алатки и промотивни материјали.

Кампањите ги опфаќаат клучните области на поддршка од Европската Унија: Планот за раст на ЕУ и Реформската агенда за Западен Балкан, транспорт и поврзаност, животна средина и Зелената агенда, економија и вработување на младите, култура и наследство, како и владеење на правото. Насочени кон девет целни групи, од општата јавност и младите до МСП, академската заедница, руралните заедници и државните институции, проектот има за цел да ја зголеми јавната свест за вредностите на ЕУ, политиките и конкретните придобивки од членството во Унијата, со крајна цел да се обликува позитивна јавна перцепција за Европската Унија во Северна Македонија.

Под брендот ‘ЕУ со ТЕБЕ’, овој проект има за цел да ја зголеми јавната свест во Северна Македонија за улогата на ЕУ и за конкретната поддршка што таа ја обезбедува за земјата.

Специфични цели се следниве:
• Да се обезбеди ефективна, иновативна и креативна комуникација за Европската Унија и процесот на пристапување, како и да се подигне јавната свест за ЕУ, нејзините вредности и политики.
• Да се осмислат до шест, а да се реализираат најмалку четири национални кампањи, структурирани како комбинација од застапување, стратешка комуникација, јавна мобилизација, партнерства и истражување.
• Да се зголеми влијанието на пораките врз јавноста преку примена на позитивна маркетинг стратегија, користејќи традиционални и нетрадиционални комуникациски канали.
• Да се опфатат клучните сектори на поддршка од ЕУ, вклучително Планот за раст, транспортот, животната средина, економијата, културата и владеењето на правото, со цел да се пренесат конкретните придобивки од Европската Унија.
• Да се обликува долгорочната јавна перцепција за Европската Унија преку впечатливи, примамливи, релевантни и применливи кампањи.

• Изготвени и одобрени шест нацрти на концепти за кампањи, шест планови за кампањи и шест медиумски планови (традиционални медиуми и социјални мрежи) (SO1–SO3).
• Успешно реализирана кампања за Планот за раст на ЕУ и Реформската агенда за Западен Балкан (SO4).
• Реализирани кампањи за поддршката на ЕУ во областа на транспортот и поврзаноста, како и за заштита на животната средина (Зелената агенда) (SO5–SO6).
• Реализирани кампањи за поддршката на ЕУ во економијата (вештини и вработување на младите) и културата (наследство и македонски јазик) (SO7–SO8).
• Реализирана кампања за поддршката на ЕУ во областа на владеењето на правото (основни слободи), со измерено зголемување на јавната свест за вредностите и придобивките од пристапувањето кон Европската Унија (SO9).