Проектот „Техничка поддршка за подобрување на условите за работа на граѓанските организации во Република Северна Македонија“ има за цел да го зајакне целокупниот екосистем во кој дејствуваат граѓанските организации (ГО), со што ќе им овозможи поефективно да придонесуваат кон демократскиот развој и процесот на интеграција во ЕУ. Акцијата е насочена кон унапредување на правната, финансиската и институционалната рамка што го регулира работењето на ГО, со цел да се обезбеди поголема поддршка, потранспарентна и поодржлива средина за нивно делување, како на национално, така и на локално ниво.

Клучна компонента на проектот е поттикнувањето структурирана соработка и дијалог помеѓу граѓанските организации, јавните институции и приватниот сектор. Преку насочена техничка помош, активности за градење капацитети и развој на подобрени механизми за соработка, проектот ја зајакнува улогата на граѓанското општество во креирањето политики и во јавниот живот. Со промовирање транспарентност, отчетност и меѓусебна доверба, акцијата поддржува поинклузивен и попартиципативен модел на управување, во кој граѓанското општество се смета за доверлив и вреден партнер.

• Подобрување на правната, финансиската и институционалната рамка за граѓанските организации на национално и локално ниво.
• Поттикнување структурирана и значајна соработка помеѓу граѓанските организации, јавните институции и приватниот сектор.
• Зголемување на капацитетите на граѓанските организации за учество во креирање политики, застапување и развој на заедницата.
• Подобрување на транспарентноста, отчетноста и јавната доверба во работењето на граѓанските организации.

• Подобрена правна и политичка рамка што го олеснува регистрирањето, работењето и финансирањето на граѓанските организации.
• Зајакнати механизми за соработка помеѓу граѓанските организации и јавните институции, вклучително редовен дијалог и заеднички иницијативи.
• Зголемени капацитети на граѓанските организации за учество во процесите на креирање политики и ефективно застапување на интересите на граѓаните.
• Зголемено учество на приватниот сектор во поддршката на граѓанските организации преку партнерства и иницијативи за корпоративна општествена одговорност.
• Поголема јавна свест за улогата и влијанието на граѓанските организации.
• Поголема отпорност, независност и активност на секторот на граѓански организации, кој придонесува за демократски развој и интеграција во ЕУ.