Проектот „Поддршка за спроведување на Програмата за реформи на управувањето со јавните финансии 2024–2027“ има за цел да го подобри финансиското управување во Северна Македонија и квалитетот на услугите во јавниот сектор. Преку унапредување на фискалната дисциплина, стратешката распределба на ресурсите и системите за јавна финансиска контрола, проектот придонесува кон потранспарентно и поефикасно управување со јавните средства.
Преку обезбедување на политички совети, развој на институционални капацитети и техничка експертиза, проектот ја поддржува работата на Министерството за финансии и други релевантни институции во спроведувањето на Програмата за реформи на управувањето со јавните финансии 2025–2028. Иницијативата има значајна улога во промовирањето на отчетноста, ефикасноста и довербата во јавните институции, со директен придонес кон процесот на приближување на Северна Македонија кон Европската Унија.

Проектот има за цел да ја унапреди законската рамка и да ги зајакне капацитетите на клучните институции кои ја спроведуваат Програмата за реформи на управувањето со јавните финансии. Преку стручна и техничка поддршка, проектот придонесува за успешно остварување на целите и постигнување на резултатите предвидени со Програмата.

• Зајакнати системи за следење на напредокот во спроведувањето на реформите за управување со јавните финансии, овозможувајќи навремено известување за реализацијата на Планот за раст на ЕУ и програмите за буџетска поддршка;
• Подобрена јавна внатрешна финансиска контрола преку поддршка за спроведувањето на реформите предвидени во Законот за јавна внатрешна финансиска контрола;
• Зголемени капацитети на Академијата за јавни финансии за обезбедување квалитетни обуки во областа на управувањето со јавните финансии, наменети за вработените во Министерството за финансии и другите буџетски корисници;
• Продлабочени капацитети на институциите вклучени во спроведувањето на Програмата за реформи на управувањето со јавните финансии за навремено постигнување на очекуваните резултати.